મારી ખોડલધામ વિદ્યાર્થી સમિતિ સાથેની સફર વોટ્સએપમાં આવેલી એક નાનકડી પોસ્ટ જોઈને થઈ હતી,જેમાં પાસ થયેલા વિદ્યાર્થીઓના ફોટા હતા અને આ સફર મારો ફોટોએ પોસ્ટમાં આવે ત્યાં સુધીની હતી.મારી સફળતાનો સંપૂર્ણ શ્રેય ખોડલધામ વિદ્યાર્થી સમિતિને આપું છું કે જેમને મને અને મારા જેવા હજારો વિદ્યાર્થીઓને પોતના લક્ષ સુધી પહોંચવામાં હરહમેંશ માર્ગદર્શન પૂરું પાડ્યું છે.આ સફળતા અપાવવા બદલ હું સમસ્ત લેઉવા પટેલ સમાજ અને શ્રી ખોડલધામ ટ્રસ્ટનો ઋણી રહીશ.

જય માં ખોડલ…

શ્રી સમસ્ત લેઉવા પટેલ સમાજ ની એક માત્ર સંસ્થા એટલે”શ્રી ખોડલધામ વિદ્યાર્થી સમિતિ.” આજે હું એક એવી સંસ્થા ની વાત કરવા જઈ રહ્યો છું, કે જ્યાં થી આજ સુધી માં અનેક લેઉવા પટેલ સમાજ ના છોકરા તથા છોકરીઓ કે જેની આર્થિક પરિસ્થિતિ નબળી હોવાથી બહાર ની સંસ્થા માં કોચિંગ લેવું આર્થિક રીતે પરવડી શકે તેમ ન હોય તેવા વિદ્યાર્થીઓ આજે ખોડલધામ વિદ્યાર્થી સમિતિ ના સહારે પોતાનું ભવિષ્ય ઉજ્જવળ બનાવી ને ગુજરાત સરકાર માં ફરજ બજાવી રહ્યાં છે.
આ એક માત્ર એવી સંસ્થા છે કે ,જે પોતાનો એક પણ રૂપિયા નો ફાયદો વિચાર્યા વિના ફક્ત વિદ્યાર્થી ના હિત ને ધ્યાન માં રાખી આજ સુધી પ્રયત્ન કરતી રહી છે. એટલું જ નહીં એવા કેટલાય પટેલ સમાજ ના છોકરા -છોકરીઓ છે ,કે જે ખૂબ જ નબળી આર્થિક પરિસ્થિતિ ને લીધે ફી ભરવા સક્ષમ ન હોવાથી તે એક પણ રૂપિયો ફી ભર્યાં વગર આ સંસ્થા માં કોચિંગ લઈ ને આજે ગુજરાત સરકાર માં ફરજ બજાવી રહ્યા છે.
જ્યારે,મેં પ્રાથમિક અને ઉચ્ચત્તર માધ્યમિક અભ્યાસ પૂર્ણ કર્યોં. ત્યાર પછી ગ્રેજ્યુએશન પૂર્ણ થયા બાદ મેં ખાનગી કંપની માં એક વર્ષ નોકરી કરી.પરંતુ ક્યાંક ને ક્યાંક અંદર થી એવી પણ ઈચ્છા હતી કે ,હું પણ સરકારી નોકરી કરું ને મારુ ભવિષ્ય ઉજ્જવળ બનાવું.પરંતુ સ્પર્ધાત્મક પરીક્ષાની તૈયારી ની માહિતી નો અભાવ હતો. ત્યારબાદ સરકારી નોકરી ના સ્વપ્ન ને સેવવા મને ખોડલધામ ટ્રસ્ટ દ્વારા શરૂ થયેલી સ્પર્ધાત્મક પરીક્ષા ની તૈયારી અંગેની જાણ થઈ અને સફળતા માટે શરૂઆત કરી. અને આજે હું ખોડલધામ વિદ્યાર્થી સમિતિ ના સહારે સફળ થઈ ને હું કેન્દ્ર સરકાર માં પોસ્ટ વિભાગ માં ફરજ બજાવી રહ્યો છું. જ્યારે મેં તાલીમ વર્ગ માં તાલીમ મેળવવા ની શરૂઆત કરી ત્યાર થી મને આ સંસ્થા એ એક અદ્ભૂત વાતાવરણ,શ્રેષ્ઠ માર્ગદર્શકો ની ટીમ તથા જરૂરીયાત મુજબ અભ્યાસ ને અનુલક્ષીને તમામ પ્રકાર ના “સ્ટડી મટીરીયલ્સ” પુરા પાડ્યા છે.ઉપરાંત ગર્વ ની વાત તો એ છે કે, વિદ્યાર્થીઓ પરીક્ષામાં સફળ થયા બાદ પોસ્ટીંગ સુધી ની ચિંતા “શ્રી ખોડલધામ -ટ્રસ્ટ અને ખોડલધામ વિદ્યાર્થી સમિતિ “એ કરી છે.જેથી આજે હું ખોડલધામ વિદ્યાર્થી સમિતિ નું ખૂબ જ ગર્વ અનુભવુ છું અને “શ્રી ખોડલધામ ટ્રસ્ટ” ના ચેરમેન અને લેઉવા પટેલ સમાજ ના “મેનેજમેન્ટ ગુરુ “એવા માનનીય શ્રી નરેશ ભાઈ પટેલ અને ખોડલધામ વિદ્યાર્થી સમિતિના માર્ગદર્શક પી.આઈ પાદરીયા સરનો હું હંમેશા આભારી રહીશ.
ટૂંકમાં,પટેલ સમાજ ના વિદ્યાર્થીઓ તથા વિદ્યાર્થીનીઓ ની પરીક્ષાથી લઈને પોસ્ટીંગ સુધી ની ચિંતા કરતી મારા માટે લગભગ વિશ્વ ની પ્રથમ સંસ્થા એટલે -“શ્રી ખોડલધામ ટ્રસ્ટ વિદ્યાર્થી સમિતિ.”

મારો કોલેજકાળ પૂર્ણ કરી KDVS સાથે જોડાયો અને મેં પણ સરકારી નોકરી કેમ મળે તેના વિશે આ સંસ્થામાથી માર્ગદર્શન મેળવી અને તેમના જ નેજા હેઠળ અભ્યાસ શરૂ કર્યો અને અમદાવાદ મ્યુનિસિપલ કોર્પોરેશન દ્વારા લેવાયેલી જૂની. ક્લાર્કની ભરતીમા ઉતીર્ણ થઈ અને હાલ હું પણ સરકારી કર્મચારી તરીકે ફરજ બજાવુ છું અને અમારા માટે જેઓએ સતત નિસ્વાર્થ સેવા આપી છે સમાજ અગ્રણી તથા વડીલ એવા શ્રી નરેશભાઈ પટેલ, પોલીસ ઇન્સ્પેક્ટર શ્રી પાદરીયા સાહેબ, દરેક શિક્ષકો તથા નિસ્વાર્થ ભાવે સેવા આપનાર સંસ્થાના જ ભૂતપૂર્વ વિદ્યાર્થીઓનો હું ખૂબ ખૂબ આભાર માનું છું. અને હાલમા ધો.12 પૂર્ણ કરી ચુકેલા તમામ વિદ્યાર્થીઓને આ સંસ્થામાં જોડાવા અને તેના થકી સરકારી કર્મચારી બનવા અપીલ કરું છું.

ઘાડીયા શ્વેતા કરશનભાઇ, KDVS-ખોડલધામ વિદ્યાર્થી સમિતિ એટલે સપનાઓ સાકાર કરવાનું સ્થળ,, દરેક ને પોતાના જીવનનું નિશ્ચિત ધ્યેય હોઈ છે, કોઈ નિશ્ચિત મઁઝીલ હોઈ છે, ત્યાં સુધી પહોંચવા એક રસ્તો જરૂરી છે, એ રસ્તો એટલે કોઈ પ્રોત્સાહન, ઉત્સાહ અને સાહસ મળે એવી જગ્યા.. એવી જ એક મઁઝીલ એટલે સરકારી ક્ષેત્ર માં જોડાઈ, ફરજ બજાવી, બની શકે તેટલી બીજાને મદદ કરી આપણા પરિવાર અને સમાજ નું નામ રોશન કરવું.. KDVS આપણને આ ક્ષેત્ર માં જોડાવા માટે નું વાતાવરણ પુરુ પાડે છે, બાકી મહેનત આપણે કરવાની છે.. જ્યાં સુધી નિશ્ચિત ધ્યેય સુધી ન પહોંચો ત્યાં સુધી મહેનત ચાલુ રાખવા માટે KDVS માં જોડાયેલ રહેવું..
मंजिल उन्ही को मिलती है,,, जिनके सपनो में जान होती है,, पंख से कुछ नहीं होता हौसलों से उड़ान होती है…

મારી આ સફળતા મા KDVS નો સિંહ ફાળો છે જે માટે હું નરેશભાઈ પટેલ , PI પાદરીયા સર નો ખુબ ખુબ આભાર માનું છું.

જય માં ખોડલ…

લેઉવા પટેલ સમાજનું આશાનું કિરણ એટલે શ્રી ખોડલધામ..

સમાજના દરેક વ્યક્તિને પોતાનું લાગે સમાજને નવી ઓળખ અપાવી ગૌરવ અપાવ્યું તેવા ખોડલધામના સ્વપ્ન દ્રષ્ટા નરેશભાઈ પટેલને નતમસ્તક નમન.. જેમ ખોડલધામ સમાજના સર્વાંગી વિકાસનું પ્લેટફોર્મ છે તેમ સમાજના વિદ્યાર્થીની-વિદ્યાર્થીઓને માટે ખોડલધામની યુવા પાંખ KDVS ના ટૂંકા નામે પ્રચલિત છે

શ્રી ખોડલધામ વિદ્યાર્થી સમિતિ સમાજના બાળકો કે જે સરકારી નોકરી કરવા માંગે છે તેવા યુવાનો માટે ઉડવાની પાંખો છે જેના થાકી સમાજના 300+ યુવાઓ સારી પોસ્ટ પર ફરજ બજાવે છે. આપણા સમાજના યુવાનોને નોકરી ઉપલબ્ધ બની છે જે કોલસા ને હીરો બનવવાની ક્ષમતા ધરાવે છે તેમજ સમાજમાં તે દરેક સેવાકીય પ્રવૃત્તિમાં ઉમંગને ઉત્સાહથી ભાગ લે છે અને સમાજ સેવાના રંગે રંગાઈ છે KDVS 3P થીયરી પર આગળ વધી રહ્યું છે પોલીસ, પત્રકાર અને પોલીટીક્સ સમાજમાં બહુજ મહત્વ ઘરાવતા આ ત્રણ મુદા પર સવિશેષ ધ્યાન આપી તૈયારીઓ કરાવવામાં આવે છે મારા સમાજે મારા માટે શું કર્યું કે કરશે એમ નહિ પણ હું મારા સમાજ માટે શું કરીશ તે વધારે મહત્વનું છે એ પાયાના સંસ્કાર આપતું KDVS. મારા અહોભાગ્ય કહેવાય કે આ સંસ્થામાં મને અભ્યાસ કરવાની તક મળી ને મને વ્હાલથી તૈયારીઓ કરાવીને સાથે પોલીસ વિભાગમાં જોબ અપાવી હું સદાને માટે ખોડલધામ અને KDVS ની ઋણી રહીશ.